Triptikoa hemendik jaitsi dezakezue: udalekuak 2013
2013ko Udaleku irekietan izena emateko epea maiatzean zabalduko da. Bazkideek aukera izango dute maiatzaren 13tik 15era (biak barne) izena emateko eta bazkide ez direnek maiatzaren 20tik 22ra (biak barne).
Egunero, goizeko 10:00etatik 13:30ak arte eta astelehen eta asteazkenetan ere 17:00etatik 18:30ak arte (Ez da onartuko ordutegi honetatik kanpo ekartzen den orririk).
Izen ematea ezin izango da ez telefonoz, ez postaz egin; ingresoaren ziurtagiriarekin (EK 3035 0108 06 1081032766) eta osakidetzako txartelaren fotokopiarekin batera bulegora etorri eta bertan *izen emate orria bete behar da.
Beti bezala prezio ezberdinak egongo dira:
Lehenengo txanda (ekainaren 25etik 28ra): 40€ bazkideek / 55€ bazkide ez direnek / **20€ Getxon gutxieneko errenta jasotzen dutenek
Bigarren (uztailaren 1etik 12ra) eta hirugarren txanda (uztailaren 15etik 26ra): 80€ bazkideek / 110€ bazkide ez direnek / **20€ Getxon gutxieneko errenta jasotzen dutenek.
Lehenengo txandan 30 leku egongo dira, horietatik 27 euskaraz ondo egiten duten umeentzat izango dira eta 3 euskaraz komunikatu ezin direnentzat, hau Aldai Patronatoan izango da. Bigarren eta hirugarren txandan, eskola bakoitzeko 50 leku egongo dira, horietatik 45 euskaraz ondo egiten duten umeentzat izango dira eta 5 euskaraz komunikatu ezin diren umeentzat. Azken txanda hauek Romon (5-12 urte), San Nikolas ikastolan (5-7 urte) eta J.B. Zabalan (8-12 urte) izango dira (Zabala eta San Nikolas ikastolen kasuan, adin tarte ezberdinetako anai-arrebak eskola berean utzi daitezke, begirale batek eramango ditu dagokien eskolara).
Animatu eta eman izena Udaleku irekietan!!
*Izen emate orria gurasoek edo tutore legalak soilik sinatu dezakete.
**Diru kopuru bat egongo da pertsona horiek diruz laguntzeko, diru kopuru hori agortu arte banatuko da izen emate ordenean. Ekarri behar da: Aldundiako ziurtagiria + NANaren fotokopia.
